1664

Нұр-Сұлтанда биыл 10 мыңнан астам қолжетімді баспана қолданысқа беріледі

Нұр-Сұлтан қаласының әкімі Алтай Көлгінов «Қазақстан» ұлттық арнасының «Ашық алаң» бағдарламасына берген сұхбатында баспана мәселесі қалай шешіліп жатқанын түсіндіріп өтті.

«Нұр-Сұлтан қаласы тұрғындарының саны 10 жыл бұрын 600 мың болатын. Ал қазір 1 млн 200 мыңнан асты. Осы қалпында өссек, болжамға сәйкес 2030 жылы 2 млн-ға жетеді. Урбанизация — әлемдік үрдіс. Біз де одан қалыс қалған жоқпыз. Қазірден бастап соған дайындалуымыз керек. Мысалға қала тұрғындарының өсуіне орай баспана мәселесі өзекті болып отыр. Қолжетімді баспана салу қарқыны төмендеген жоқ. Қайта еселеніп өсіп жатыр», - дейді әкім.

Алтай Көлгінов сөз арасында биыл 10 мың қолжетімді баспана беру жоспарланып отырғанын мәлім етті.

«Қаламызда қолжетімді баспана санын үш есе арттыру қажет, бұл ең алдымен Мемлекет басшысының тапсырмасы. Егер сандарға сүйенер болсақ, 2019 жылы 1 млн 700 мың шаршы метр тұрғын үй салған болсақ, 2020 жылы үш млн шаршы метрді құрады. Ал биыл 3 млн 200 мың шаршы метр салуды жоспарлап отырмыз. Бұл рекордты көрсеткіш. Оның 80 пайыздан астамы - жеке инвестиция. Бұл мемлекет тұрғын үй саласына үлкен көңіл аударып отыр дегенді білдіреді. 

Оның ішінде қолжетімді баспана еселеп артып келеді. Мысалға 2018 жылы 1,8 мың пәтер, 2019 жылы 2,9 мың пәтер, 2020 жылы 7 мың пәтер, биылғы жоспар - 10 мың пәтер. Яғни кезекте тұрған 10 мың азаматқа пәтер береміз. Одан бөлек «7-20-25», «Шаңырақ» бағрдарламасы бар. «Отбасы» банкімен бірлесіп осы бағдарламаларды орындап жатырмыз», - деді Нұр-Сұлтан қаласының әкімі. 

Қала әкімі өз сөзінде салынып жатқан үйлердің құрылыс сапасын да қозғап өтті.

«Үйлердің сапасын жүйелі түрде тексеріп тұрамыз. Неше түрлі мердігер компаниялар бар. Біз олардың бәріне бақылау орнаттық. Оның кепілдігі болады. Тиісінше оны біз талап етеміз. Егер үй сапасыз салынған болса, тиісті деңгейге келтіріп қайта салу үшін мердігер компания өз қаражатын жұмсайды», - деді Алтай Көлгінов.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109