1252

Түннің бір уағына дейін жұмыс істеді: Нұр-Сұлтанда карантин талаптарын тағы 8 мекеме бұзды

Елорданың мониторингтік топтары тәулік бойы күшейтілген режимде жұмыс істеуді жалғастыруда. Екі күннің ішінде олар жұмыс тәртібі мен қаланың бас санитарлық дәрігерінің қаулысын сақтамаған бірнеше мекемені анықтады, деп хабарлайды Нұр-Сұлтан әкімдігінің ресми сайты

Мониторингтік топтар 31 қазан күні Сарыарқа ауданындағы «Арман қала» мейрамханасында белгіленген жұмыс режимі бұзылғанын анықтады. Тексеру кезінде мекемеде бір уақытта 50 адам болған.

Сондай-ақ, түнгі сағат 2 шамасында келушілерді қабылдаған «Қарақат» кафесін анықтады. Ал тәртіп бойынша сағат 20.00-ден кейін жұмысқа істеуге тыйым салынған.

Күндіз сағат 17:00-де мобильді топ Есіл ауданында орналасқан «Аура» түнгі клубында карантин режимі бұзылғанын анықтады. Онда шамамен 80-90 адам сауық құрған. Қазіргі эпидемиологиялық жағдайға байланысты мұндай жағдайға тыйым салынған.
Сонымен қатар, «Текила» бары режимді бұза отырып, түнгі уақытта жұмыс істеді. Мұнда саннормалар, әлеуметтік қашықтық сақталмаған, ал нысан ішінде 60-қа жуық адам болды.

Сондай-ақ, бұзушылар тізіміне «Панаехали» барының екі филиалы, «Кабера» ресто-бары, «Mirwari» мейрамханасы кірді.

Тәртіп бұзушыларға қатысты жиналған материалдар тиісті әкімшілік шаралар қабылдау үшін санитариялық-эпидемиологиялық бақылау саласындағы уәкілетті органға берілді.

Айта кету керек, COVID-19 инфекциясын жұқтырушылар саны азайғанына қарамастан Нұр-Сұлтан эпидемиологиялық ахуалды бағалау бойынша «сары» аймақта қалып отыр. Сондықтан елорда тұрғындары мен қонақтары бетперде режимін, әлеуметтік қашықтықты, қол гигиенасын қатаң сақтауы тиіс. Азаматтар өздерінің де, айналасындағылардың да денсаулығын сақтау үшін коронавирусқа қарсы вакцинациядан өтуі керек. Себебі вакцинамен иммундау қауіпті вируспен күресудің жалғыз тиімді әдісі болып саналады.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109