2247

Елордада бірнеше автобуста жолақыны банк картасы арқылы төлеуге болады

«City Transportation Systems» ЖШС-де Нұр-Сұлтан қаласының қоғамдық көліктерінде жол ақысын төлеудің жаңартылған электрондық жүйесі таныстырылды. Пилоттық жоба аясында жолаушылар VISA және Mastercard карталары, сондай-ақ NFC жүйесімен жабдықталған смартфон арқылы төлем жасай алады. Бұл туралы елорда әкімдігінің ресми сайты хабарлайды.

Жаңартылған жүйе көлік карталарын толықтырудың онлайн режиміне көшуді қамтиды. Сондай-ақ банк карталарымен төлеу қолжетімді болады.

Естеріңізге сала кетейік, 18 қазаннан бастап елордада бірнеше қоғамдық көлік бағытында пилоттық режимде үш жеткізушіден кез келген екінші деңгейдегі банктің картасымен жол жүру төлемі тестіленуде.

Пилоттық жоба аясында жолаушы VISA және Mastercard карталары, сондай-ақ NFC жүйесімен жабдықталған смартфон арқылы төлем жасай алады. Транзакцияны жүргізу үшін оларды валидатордың жанында орналасқан арнайы терминалға қосу жеткілікті.

Жүйені тестілеу №61 қалалық бағыттағы үш автобуста, сондай-ақ, қала маңына қатынайтын №309, 310, 315 бағдарларда жүргізіледі.

Айта кетейік, пилоттық жоба барлық бағыттарда толыққанды масштабтау алдында түрлі жеткізушілердің банк картасымен жол жүру ақысын төлеу валидаторларын тексеруге мүмкіндік береді.

«Атап өту маңызды, бұл жаңашылдықтар жол жүру құнына әсер етпейді, барлық тариф өзгеріссіз қалады. Бұдан басқа, жүйені жаңарту тек инвестордың есебінен жүзеге асырылатын болады, яғни бюджет қаражаты қолданылмайды. Біз үшін жолаушылардың жайлылығы және жаңа жүйеге көшудің ауыртпалықсыз болуы болып маңызды», - деді «City Transportation Systems» ЖШС басқарма төрағасы Бекмырза Игенбердинов.

Бүгінгі таңда қызмет көрсетушілер арасында үш компания бар. Олар: «Innoforce solutions» ЖШС (Avtobys), «SMSBUS» ЖШС, «Технодата» ЖШС. Тұсаукесер барысында олар валидаторларда әр жүйенің артықшылықтарын көрсетті.

Мысалы, «Innoforce solutions» ЖШС өзінің Avtobys.kz мобильді қосымшасын ұсынады, оның көмегімен қоғамдық көлікте жол ақысын инновациялық және ыңғайлы тәсілдермен төлеуге болады: Bluetooth, QR, NFC, банк картасы. Bluetooth – жол ақысын төлеудің бірегей және ыңғайлы тәсілі, ол валидаторға жақындамай, жол ақысын екі рет басу арқылы төлеуге мүмкіндік береді. Барлық әзірлемелер отандық болып саналады.

«SMSBUS» ЖШС жүйесі де толығымен қазақстандық болып саналады және төлеудің бірқатар тәсілдеріне ие. Ол – банктік карталар, QR, NFC, Apple Pay, Samsung Pay және т.б. Сонымен қатар, бұл әзірлеме қолданыстағы көлік карталарының жұмысын 100% қолдайды, сол арқылы жолаушылар үшін көрінбейтін бірқалыпты жіксіз көші-қонды қамтамасыз етеді.

Айта кетейік, елорданың қоғамдық көліктерінде жолаушылар ағыны орташа есеппен 600 мыңнан астам адамды құрайды. Жолаушылар жол ақысын екі жолмен төлей алады – бұл көлік картасы және QR-кодты сканерлеу, ол үшін әртүрлі қосымшалардың 13 түрі бар (Transcard, Kaspi.kz, Homebank, ұялы байланыс операторларының қосымшалары және т.б.). 100 пайыз қолма-қол ақшасыз жүйеде көлік карталарымен төлеу үлесі 52%-ды, QR-кодпен 48%-ды құрайды. Жол жүру құны – 90 теңге. Бұл сома 7 жыл ішінде өзгерген жоқ.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109