1001

Алтай Көлгінов елорданың дамуындағы үкіметтік емес ұйымдардың рөлі туралы айтты

Нұр-Сұлтан қаласының әкімі Алтай Көлгінов Instagram парақшасында ҮЕҰ-ның әлеуметтік міндеттерді шешудегі маңызды рөлі туралы айтты, деп хабарлайды елорда әкімдігінің ресми сайты.

«Жыл сайын қала өміріне қажет, сол сияқты маңызды әлеуметтік мәселелерді шешуге белсене араласатын тұрғындар саны артып келеді. Бұл қуантарлық жайт. Үкіметтік емес ұйымдардың өкілдерімен үздіксіз жұмыс жүргізіп, денсаулық сақтау, білім беру, әлеуметтік қорғау, экология және т.б. салаларда бірлесе жұмыс істеп келеміз.

Бүгінде елордада 4,5 мыңға жуық ҮЕҰ жұмыс істейді. X Азаматтық форум мен Тәуелсіздіктің 30 жылдығы қарсаңында ҮЕҰ-мен ынтымақтастық және өзара іс-қимыл жөніндегі Консультативтік кеңестің отырысы өтті.
Бірінші. Әлеуметтік орталықтар

Ынтымақтастықтың арқасында қалада бірқатар әлеуметтік орталық ашылды.

Тұрғындармен тығыз жұмыс жүргізу үшін «Жанұя» отбасы институтын қолдау орталығы құрылды, онда 70-тен астам мемлекеттік қызмет түрі көрсетіледі. Ашылған сәттен бастап орталыққа 100 мыңнан астам адам жүгініп, көмек алды.
Егде жастағы тұрғындардык өтініші бойынша белсенді ұзақ өмір сүру орталығы (Ардагерлер үйі) ашылды. Онда зейнеткерлер бос уақыттарын бірге өткізіп, спортпен шұғылдана алады.

Сондай-ақ ерекше қажеттілігі бар балаларға арналған бірқатар оңалту орталығы ашылды – «Ерекше балалар», «Асыл Мирас», «Ерекше аналар», «Орда», «Балам-ай» және т.б.

Біліктілікті арттыру және жұмысқа орналастыру орталықтары да бар. Олардың қатарына «Кәсіпкер ана», «Бақытты Шаңырақ», «Strong Mothers», «Bilim All», «Астана Алтын Шаңырақ Ұясы» және т. б.

Екінші. «Халықтың бюджетке қатысу» жобасы.

Бұл жоба қоғаммен диалогтың бір үлгісі болып саналады, өйткені қала тұрғындары өз ауласына қандай өзгеріс керек екенін өздері шешеді. «Халықтың бюджетке қатысу» жобасына барлық аудан қатысады. Тек осы жылдың өзінде аталған жоба бойынша 50-ден астам аула абаттандырылды (2021 жылы барлығы – 200 аула және қоғамдық кеңістік абаттандырылды).

Үшінші. Атаулы көмек көрсету

Атқарылып жатқан жұмысқа волонтерлер, ҮЕҰ, қайырымдылық ұйымдары сүбелі үлес қосып келеді. Өткен жылдан бері 70 мыңнан астам азық-түлік себеті таратылды. Сол сияқты жасы үлкен кісілердің үй шаруасына, өзге де әлеуметтік маңызды қиындықтарын шешуге көмектесеміз.

Ел басшылығы азаматтық қоғамның рөліне «азаматтық қоғамның дамыған институттары – саяси жаңғыртудың басты жолы», деп ерекше көңіл бөледі.
Жанашыр тұрғындармен бірлесе отырып, қаламызды одан да жайлы ету жұмыстарын жүргізіп жатырмыз!» - деп жазды қала әкімі.

Фото: Александр Куприенко

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109