1932

Тәуелсіздік күніне арналған мерекелік отшашу елорданың үш нүктесінде іске қосылады

Қазақстан Республикасы Тәуелсіздігінің 30 жылдығына орай Нұр-Сұлтанда демеушілік қаражат есебінен ұйымдастырылған мерекелік салют болады, деп хабарлайды елорда әкімдігінің ресми сайты.

Мерекелік отшашу бүгін, 15 желтоқсанда сағат 21:00-де қаланың үш нүктесінен басталады:

- Ботаникалық бақтың аумағы;

- Атырау көпірінің солтүстігіндегі Есіл өзенінің сол жағалауы;

- Ақбұлақ өзенінің солтүстік жағы, Пушкин көшесі мен Абылай хан даңғылының қиылысы.

Айта кету керек, Тәуелсіздік күнін мерекелеу әлеуметтік нысандардың ашылуымен қатар жүреді: 20 мыңнан астам оқушы орнына есептелген жеті мектеп, 2,5 мың әлеуметтік пәтерге 6 көппәтерлі тұрғын үй кешені (Қолжетімді тұрғын үй), үлескерлердің 2 мың 400 отбасына 9 үлестік құрылыс нысаны және т. б.

Сонымен қатар, мерейтойлық датаға орай қаланың мәдениет мекемелері көрмелерден бастап тарих сабақтарына дейін бірқатар іс – шаралар дайындауда.

16 желтоқсанда Тәуелсіздік күніне орай "Nomad City Hall" сахнасында "Жас Абай" спектаклі көрсетіледі.

16 және 17 желтоқсанда Астаналық цирктің бас манежінде "Астаналық цирк от жағады" қайырымдылық цирк бағдарламасы өтеді.

17 желтоқсанда "Жастар" сарайы "Менің Отаным – Қазақстан" концерттік бағдарламасына шақырады.

Елорда кітапханалары ел Тәуелсіздігінің 30 жылдығын мерекелеуге орай қала тұрғындары үшін іс-шаралар дайындады.

15 желтоқсан күні № 3 бұқаралық кітапханада "Тәуелсіздіктің бастауы - желтоқсан" атты тарих сабағы, №5 бұқаралық кітапханада "Тәуелсіздік туы астында 30 жыл" атты ақпарат сағаты, №15 бұқаралық кітапханада "Тәуелсіздік – елдің тірегі" атты тарих сағаты өткізіледі. 16 желтоқсанда Орталық балалар мен жасөспірімдер кітапханасы " Тәуелсіз елім – Қазақстаным" кітап көрмесіне, №2 Балалар кітапханасы "Егемен елміз, еркінбіз! ертеңгілігіне, ал № 3 бұқаралық кітапхана – "Желтоқсан көтерілісі-тәуелсіздікке ұмтылған жастардың күресі" атты тарих сабағына шақырады.

Барлық іс-шаралар санитарлық нормаларды сақтай отырып жүргізіледі. Елорда тұрғындары мен қонақтары маска режимі мен әлеуметтік қашықтық туралы ұмытпауы керек.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109