1750

Мәдени демалыс: Осы аптада Нұр-Сұлтанда қандай іс-шаралар өтеді

Елорданың мәдениет мекемелерінде қала тұрғындары мен қонақтарының бос уақыттарын көңілді, мағыналы өткізу үшін жаңа жыл алдындағы бағдарлама әзірленуде. Осы аптада театрлар, мұражайлар, шығармашылық ұжымдар қойылымдар, шоулар, көрмелер, концерттер дайындап отыр, деп хабарлайды Нұр-Сұлтан әкімдігінің ресми сайты.

23 желтоқсанда Мемлекеттік академиялық филармония «Астана» концерт залының сахнасында Жамбыл Жабаевтың 175 жылдығына арналған Халық әні бөлімінің концертін өткізеді. Оған «Сарыарқа» фольклорлық ансамблі де қатысады.

«Жастар» театры жас көрермендерді 22-29 желтоқсан аралығында күн сайын өткізілетін жаңа жылдық ертеңгілік пен Г.Х. Андерсеннің «Кішкентай су перісі» ертегісіне шақырады. 26 желтоқсанда сағат 19:00-де «Күйеу бала» драмасының премьералық спектаклі ұсынылады.

Елордалық қуыршақ театры өз қонақтарына «Жаңа жылдық ғажайыптар» атты қуыршақтар шоуын дайындап отыр. Оған 18 желтоқсаннан 30 желтоқсанға дейін баруға болады. Күніне бірнеше қойылым ұйымдастырылады.

М. Горький атындағы Мемлекеттік академиялық орыс драма театры 22 желтоқсанда сағат 19:00-де Н.Гогольдің «Гоголь.Петербург» желісі бойынша сахналанған қойылымын, ал 23-25 желтоқсанда аталмыш театр Гогольдің «Женитьба» комедиясын ұсынады. 25 желтоқсанда сағат 11:00-де М.Бартеневтің «Снегурушка» ертегісін көруге болады. Ертесінде көрермен қауым Р.Баэраның «Смешанные чувства», ал 30 желтоқсанда Р.Томның «Восемь любящих женщин» қойылымдарына шақырады.

28 желтоқсанда сағат 15:00-де «Наз» мемлекеттік би театрында «Мың бір түн» хореографиялық қойылымы өтеді.

21 желтоқсанда жұртшылықты Музыкалық жас көрермен театры Мұқағали Мақатаевтың 90 жылдығына орай «Махаббат-Жүрек» музыкалық-поэтикалық спектаклін тамашалауға шақырады. 23, 28, 30 желтоқсанда аталмыш театр «Күлшеқыз» музыкалық ертегісін көрсетеді.

28 және 29 желтоқсанда Nomad City Hall сахнасында «Сараң» спектаклінің премьерасы өтеді.

23 желтоқсаннан 7 қаңтарға дейін күн сайын Астаналық циркте «Круэлла және жаңа жылдық эликсир» атты жаңа жылдық цирк қойылымын көруге болады.

27-30 желтоқсан аралығында елорданың орталықтандырылған кітапхана жүйесі «Жүректен жүрекке» қайырымдылық акциясын өткізеді, оның аясында әлеуметтік аз қамтылған және көпбалалы отбасыларға әлеуметтік көмек көрсетеді.

20-31 желтоқсан аралығында «Атамекен» Қазақстан картасы» этно-мемориалдық кешенінің беттерінде әлеуметтік желілерде жазушы және публицист Иманжан Мұқанов, ақын және журналист Есет Әукебаев туралы танымдық және тарихи материалдар, Ақмола облысының киелі орындары, әлемдегі алғашқы және ірі «Байқоңыр» ғарыш айлағы туралы дәріс, сондай-ақ жаңа жылдық мерекелік құттықтаулар жарияланады.

Осы аптада Сәкен Сейфуллин музейі өз аккаунттарында «Музей қорынан» айдарынан зерттеу, «Тар жол, тайғақ кешу» романынан үзінді орналастырады, дәстүрлі бейнеэкскурсия өткізеді.

Іс-шаралардың бәрі санитарлық нормалар мен карантин талаптарын сақтай отырып жүргізіледі.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109