1584

«Жыл қорытындысы-2021»: елорданың үздік спортшылары анықталды

Нұр-Сұлтан қаласы Дене шынықтыру және спорт басқармасының 2021 жылдың қорытындысы бойынша үздік спортшылары мен спорт қызметкерлерін салтанатты марапаттау рәсімі өтті, деп хабарлайды елорда әкімдігінің ресми сайты.

Іс-шара қонақтары қатарында Мәдениет және спорт министрлігі Спорт және дене шынықтыру істері комитетінің төрағасы Самат Ерғалиев, әлемнің 4 дүркін рекордшысы, сонымен қатар қазақтың әйгілі палуандары Қажымұқан Мұңайтпасов пен Балуан Шолақтың дәстүрін жалғастырушы, гір спортынан спорт шеберіне үміткер Сергей Цырульников, Нұр-Сұлтан қаласының триатлон федерациясы президенті Ержан Біржанов болды.

Сондай-ақ, еліміздің танымал спортшыларымен Дене шынықтыру және спорт басқармасы басшысы Самат Жылқыбаев қатысты.

«Нұр-Сұлтан қаласы Дене шынықтыру және спорт басқармасының ұйымдастыруымен 2021 жылдың қорытындысы бойынша үздік спортшылар мен спорт қызметкерлерін марапаттау рәсіміне қош келдіңіздер! Мемлекет басшысы Қасым-Жомарт Кемелұлы өзінің Қазақстан халқына жолдауында бұқаралық спортқа баса мән беруіміз керек деген болатын. Осы тапсырманы орындау мақсатында бүгінгі таңда бірқатар жұмыс қолға алынды. Бүгінгі үздіктер сол жетістіктердің дәлелі. Келесі жылда біздің спортымыз үшін жемісті жыл болады деген сенімдеміз. 

Баршаңызды Тәуелсіздіктің 30 жылдығымыен құттықтаймын! Егемен еліміз өркендей берсін! Спортшыларымыз көк байрағымызды биікте желбіретіп, әнұранымызды асқақтата бергей! Жеңісті күндеріміз көп болсын!» - деді МСМ Спорт және дене шынықтыру істері комитетінің төрағасы Самат Ерғалиев. 

Биылғы жыл қорытындысы бойынша Олимпиадалық, олимпиадалық емес спорт түрлерінен дамыту дирекциялары спортшылары мен жаттықтырушылары, сол сияқты қала әкімі Алтай Көлгіновтің алғыс хатымен марапатталды.

Сонымен қатар, басқармаға қарасты мекемелер арасында «Үздік мекеме», «Үздік басшы», «Үздік басшы орынбасары», «Үздік әдіскер», «Үздік есепші», «Үздік кадр маманы», «Үздік жаттықтырушы», «Үздік заңгер», «Үздік баспасөз хатшысы», «Жыл қызметкері», «Үздік спортшы», «Үздік дәрігер», «Үздік психолог» және «Үздік дизайнер» аталымдары бойынша 14 арнайы жүлде табысталды. 

Ал жылдың «Үздік мекемесі» аталымын Спортты олимпиадалық емес түрлері бойынша дамыту дирекциясы жеңіп алды.

«Осы жылғы жыл қорытындысы бойынша Үздік басшының орынбасары» жүлдесі маған бұйырды. Мен өзім «Спортты олимпиадалық түрлері бойынша дамыту дирекциясында» қызмет етемін. Өте қуаныштымын. Бұл тек менің жеңісім емес барлық ұжымның жеңісі деп есептеймін. Еңбегіміздің бағаланғанына алғысым шексіз» - деді «үздік басшы орынбасары» Лола Тоқтамұратқызы.

Мерекелік іс-шара барысында жылдың үздіктеріне арнап концерттік бағдарлама ұйымдастырылды.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109