1225

Нұр-Сұлтанда бір жылда қазақтың көрнекті тұлғаларына арнап 10-ға жуық ескерткіш орнатылды

2021 жылы ел Тәуелсіздігінің 30 жылдығына орай елордада мәдениеттің және жалпы елдің дамуына үлкен үлес қосқан белгілі қазақ қайраткерлеріне арналған ескерткіштер жинағы ашылды, сондай-ақ күн сайын жұртты қауіптен құтқарып қалатын өрт сөндірушілер мен медицина қызметкерлерінің құрметіне монументтер орнатылды, деп хабарлайды Нұр-Сұлтан әкімдігінің ресми сайты.

2021 жылы Нұр-Сұлтанда қазақ халқының көрнекті тұлғаларына ескерткіштер орнатылды:

- Қазақстан Республикасының Тұңғыш Президенті – Елбасы Нұрсұлтан Назарбаев;

- Кеңес Одағының екі мәрте Батыры Талғат Бигелдинов;

- Алаш қайраткерлері – Ахмет Байтұрсынұлы, Әлихан Бөкейхан, Міржақып Дулатұлы;

- Халық әртісі, күйші, композитор, қазақ музыка мәдениетінің аса көрнекті қайраткері – Дина Нұрпейісова;

- Академик Қаныш Сәтбаев;

- Қазақстанның тұңғыш Олимпиада чемпионы, әлем чемпионы Жақсылық Үшкемпіров;

- Мемлекет қайраткері Жұмабек Тәшенев;

- Философ және ағартушы Әбу Насыр Әл-Фараби;

- Ағартушы Ыбырай Алтынсарин;

- Сондай-ақ, коронавирустық инфекциямен алдыңғы шепте күрескендердің ерлігіне арналған «Алтын жүрек» мемориалы орнатылды.

Бұл жұмыс жастардың рухани, патриоттық және мәдени құндылықтарын насихаттау мақсатында жүргізіледі.

Айта кету керек, елордада тарихи-мәдени мұра ескерткіштерін сақтау бойынша үлкен жұмыстар жүргізілуде.

Елорданың мәдениет басқармасы баспасөз қызметінің мәліметінше, қалада барлығы 42 тарихи және мәдени ескерткіш бар. Оның ішінде үшеуінің республикалық маңызы бар: «Бұрынғы мұсылман мектебі» (XIX ғасырда салынған), 1963 жылы салынған «Конгресс холл», «Бозоқ қалашығы», Х-ХІХ ғғ.; 39 жергілікті маңызы бар (соның ішінде ансамбльдер мен кешендер – 1, киелі нысандар – 1, монументалды құрылыстар – 7, археология ескерткіштері – 7, қала құрылысы және сәулет ескерткіштері – 23).

Бөгенбай батыр, А.С. Пушкин ескерткіштеріне, Чернобыль трагедиясы құрбандарына, С.Сейфуллин мұражайының ғимаратына, «Астана» мүсіндеріне, «Жер-Ана» және «Астана жұлдызы» монументтеріне жөндеу жұмыстары жүргізілді.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109