Бүгін №1 қалалық емхананың мамандандырылған балалар бөлімінде мүмкіндігі шектеулі балалар арасында суреттер байқауы өтті. Іс-шара мүгедектер күніне орайластырылған.Байқауға БЦП (балалардың церебралдық параличі) диагнозы қойылған 10 жуық бала қатысты.

Бүгін №1 қалалық емхананың мамандандырылған балалар бөлімінде мүмкіндігі шектеулі балалар арасында суреттер байқауы өтті. Іс-шара мүгедектер күніне орайластырылған.

Байқауға БЦП (балалардың церебралдық параличі) диагнозы қойылған 10 жуық бала қатысты. Қатысушылар бір-бірімен танысқаннан кейін шығармашылық жарыс басталды. Байқаудың басты тақырыбы - отбасы. Әр бала өзінің отбасының суретін салуы тиіс.

«Бұл іс-шара Мүгедектер күніне орай БЦП диагнозы қойылған балалар арасында өткізіліп отыр. Бұл мүгедек балалардың қоғамда әлеуметтенуіне көмектеседі, оларға мемлекет тарапынан көңіл бөлінеді, көмек көрсетіледі, ата-аналарда бір-бірімен араласу мүмкіндігі туады. Осының барлығы балаларға жақсы әсерін тигізеді, олар өздерінен ешкімнің теріс айналып кетпегенін, бәрінің де оларға көмектесуге тырысатынын түсінеді», - деді №1 қалалық емхананың психологы Татьяна Браун astana.kz  сайтына берген сұхбатында.

Бұдан басқа, бұл күні сал ауруымен ауыратын балаларға тренинг пен музыкалық жаттығу ұйымдастырылды. Байқаудан кейін балалар келушілерге арнап концерт қойды.

Іс-шараға қатысқан бүлдіршіндерге сыйлықтар берілді.