«Қазақстан Республикасындағы сайлау туралы» 1995 жылғы 28 қыркүйектегі Қазақстан Республикасы Конституциялық заңы 28-бабының 4), 6) тармақтарына сәйкес Нұр-Сұлтан қаласының әкімдігі ҚАУЛЫ ЕТЕДІ:

1. Саяси партиялардың үгіт-насихат баспа материалдарын орналастыру орындары 1-қосымшаға сәйкес белгіленсін.
2. Сайлаушылармен кездесулер өткізу үшін орын-жайлар шарттық негізде 2-қосымшаға сәйкес берілсін.
3. «Үгіттік баспа материалдарын орналастыру үшін орындар белгілеу және сайлаушылармен кездесу үшін үй жайлар беру туралы» Астана қаласы әкімдігінің 2016 жылғы 12 ақпандағы № 104-274 қаулысының (Нормативтік-құқықтық актілерді мемлекеттік тіркеу тізілімінде № 99802 болып тіркелген, 2016 жылғы 16 ақпанда «Астана ақшамы», «Вечерняя Астана» газеттерінде жарияланған) күші жойылды деп танылсын.
4. «Нұр-Сұлтан қаласы әкімінің аппараты» мемлекеттік мекемесінің басшысы Қазақстан Республикасының заңнамасында белгіленген тәртіпте:

1) осы қаулының аумақтық әділет органында мемлекеттік тіркелуін;

2) осы қаулының мемлекеттік тіркелген күнінен бастап күнтізбелік он күн ішінде оның көшірмелерін Нұр-Сұлтан қаласының аумағында таратылатын мерзімді баспа басылымдарында ресми жариялау үшін жіберуді;

3) осы қаулы ресми жарияланғаннан кейін Нұр-Сұлтан қаласы әкімдігінің интернет-ресурсында орналастыруды;

4) осы қаулы мемлекеттік тіркелгеннен кейін он жұмыс күні ішінде аумақтық әділет органына осы тармақтың 2), 3) тармақшаларымен көзделген іс-шаралардың орындалуы туралы мәліметтерді ұсынуды қамтамасыз етсін.

5. Осы қаулының орындалуын бақылау Нұр-Сұлтан қаласы әкімінің орынбасары Б.М. Мәкенге жүктелсін.
6. Осы қаулы алғашқы ресми жарияланған күннен бастап қолданысқа енгiзiледi.

Нұр-Сұлтан қаласының әкімі А. Көлгінов
КЕЛІСІЛДІ
Нұр-Сұлтан қаласы Қалалық
сайлау комиссиясының төрағасы
__________________Б. Бектемісова
2020 жылғы «__»______________